Post by Uyghur on Jul 2, 2016 23:15:51 GMT
DUQ ni Islah qilish kérek
Sherqiy Istan Milliy mujadilisining muhajirettiki wekillik orgini bolghan DUQ 2004 - yili Gérmaniyening Myunxén shehrini merkez qilghan halda mewjud bolghan << Sherqiy Istan (Uyguristan) Milliy qurultiyi we << Dunya Uygur Yashliri qurultiyi >> din ibaret chetellerdiki Milliy heriketning bayraqdari hésablanghan ikki chong teshkilatning mürekkep tarixiy jeryanni bashtin köchürüp birlishishi netijiside wujudqa chiqqan bir siyasiy gewde. Qazaqistan, Qirghizistan, Türkiye, Awistiraliye, AmeriKa qit'esi we Yawrupa elliridiki uning ötmüshige hazirmu shahid bolghuchi qanche onlighan pidakar sepdashlirimiz biliduki, maddiy we meniwiy imkanlirimiz intayin cheklik bolghan eshu éghir weziyette, omumiy xelqimiz itirap qilghan bu siyasiy qurulmini berpa qilip chiqqan chaghlirimizda, hazir bu dewaning igisi boliwalghan köpligen qérindashlirimiz siyasiydin uzaqta, öz turmush helekchilikining ghémide idi.
Biz Bugün DUQ bilen ezeldin alaqisi bolmighan, dewa sépidin xitaydin qachqandek qéchip kelgen yaki Milliy Dewani Jan béqishning desmisi qiliwalghan weyaki nam - shöhret tamasida sepke qétilip qalghan bezi qérindashlirimizning aghzidin DU Qning qimmiti, orni, roli, kélichiki hetta Milliy dewaning teqdiri heqqide ajayip qaltis nesihetlerni anglashqa mejbur boliwatimiz. Bu halda, Uzun mezgil DUQ etrapida yashighuchilarning biri bolush süpitim bilen "ularmu aldi bilen bizning nime deydighanliqmizni anglap béqishliri kérek" dégen oygha keldim.
Menche, biz DUQ ni hoquq xumarimizni bésish uchun qurmighan. Biz DUQ ni milletning qénini shorashning desmisi qilish uchun qurmighan. Biz DUQ ni Wetende töküliwatqan qanlargha xiyanet qilish, wetenni dep öz erkinlikidin Mehrum boliwatqan Ezîz janlargha haqaret qilish, xaniweyran boliwatqan qanche yüzminglighan aililerning tamashasini körüsh uchun qurmighan, biz qarisa közi, sözlise tili késiliwatqan, özining Uyghurliqini, musulmanliq süpitini saqlap qalalmay nale - peryat chékiwatqan, hetta taqiti yetmigende KALTEK - toqmaqlar bilen düshmenlirige shirdek Hujum qilip janlirini Qurban qiliwatqan qan - qérindashlirimizning köz yashlirigha chömülüp rahet körüsh uchun qurmighan! Wehalenki, Shuning uchun qurulghandek bir rezil tesirat, hetta "xitayning Qolī bolghan" liqidek shermende inkaslarni hich uyalmay tilgha alidighan ademlerni dostlirimiz arisida köriwatqanliqmizdin epsusliniwatqan bir haldimiz.
Bizde, az dégende, bizge nesihet qiliwatqan eshu alijanaplarda bolghan adimiy Exlaq, Wijdan, Milliy mejburiyetning eynisi bar idi. Biz millitimizni bir kün bolsimu baldurraq asarettin qutuldurush meqsidide bu teshkilatni köp musheqqetler ichide qurup chiqqan we bu yolda burchimizni ada qilish uchun térishchanliq körsetken iduq. Halbuki, bügünge kelgende teshkilatning qurulush ghayisi ghayip bolupla qalmay, uning hayatiy küchimu yoq qilindi.
2004 - yilidin 2006 - yiligha qeder qurultayda wezipe alghanlar chamining yétishiche weten - millet menpieti uchun bir ishlarni qilishqa térishti. Yoq dégende, qurultayning nizamnamisini nispeten mükemmel halda tüzüp chiqip, omumiy wekillerning testiqi bilen maqullidi. << Myunxén xitapnamisi >> arqiliq, bu Milliy dewa ghayisining musteqilliq bolghanliqini muqimlidi. Teshkilatning teshkiliy tüzümlirini mükemmel derijige yetküzüsh uchun ejir qildi. Her qétimliq yighinliri teshkiliy pirinsiplargha hörmet qilinghan halda Demokratik shekilde élip bérildi. Ulugh ishlarni qilalmighan bolsimu, qilish yolida köp bedeller tölidi. Bu chaghda ne NEDning yardimi, ne xelq ianisining tayini yoq idi. Shundaq bolishigha qarimay, xitay teripidin tenqidlengen bir bayanatta tilgha élinghinidek "teshkiliy tüzülmisi eng mükemmel teshkilat >> idi.
2006 - yili Rabiye xanim DUQ reislikige saylandi. Xitay turmisida yétip chiqqan bir Ayal bolush süpiti bilen dunya metbuatlirining qizziq nuqtisigha aylandi we aylanduruldi. DUQ Rabiye xanimgha "Uyghur Milliy herikitining lideri, DUQ reisi, Uyghurlarning meniwiy Anisi" dégen namni berdi hem béshigha élip kötürdi. Rabiye xanimmu "Ana" démise könglige kélidighan derijige yetküzüldi.
Arqa - arqidin Nobil mukapatigha namzat körsitildi, Bush bilen körüshti, xelqara sehnilerde Uyghur mesilisini köp qétim anglatti.
Uyghurlar mesilisi Dunyada eng yaxshi tonulghan dewir Rabiye xanim reis bolghan deslepki ikki yil boldi. Bu hayajanliq dewir 2008 - yilighiche dawam qildi. 2008 - yili DUQ xitay olimpikini bayqut qilish herikitini qanat yaydurup yene bir qétim zoder tesir qozghidi. 2009 - yili 5 - iyul weqesining yüz bérishi, uyghurlarning tonulishida yuqiri dolqun yaratti. Guantanamu Uyghurliri mesilisiningmu elwette zor ülüshi bar idi.
Qisqiche éytqanda, Rabiye xanimning Uygurlarning gherb ellirige tonulishida qoshqan töhpisi cheteldiki herkimningkidin zor boldi we Uyghurlarni dunyagha tonutidighan zor weqelermu mushu dewirde köplep yüz berdi. Buni hemme itirap qilidu.
Biraq, << Uyghur dewasini bügünki halgha keltürgen Rabiye xanim >> dégen qarash, << Rabiye xanim reisliktin qalsa, Milliy dewa yoqilidu >> dégenge oxshashla bimene qarashtur.
Uyghurlar mesilisining Dünyada tonulishida Rabiye xanimning zor töhpisi bolsimu, uningdinmu zor Tohpe wetendiki erkinlik, musteqilliq yolida issiq qanlirini tökken, Ezîz janlirini qurban bergen, Milliy erkinlik uchun xitay turmisigha bent qilinishqa razi bolghan minglighan shéhid we ghazi ezimetlerge taliq.
2010 - yilidin bashlap Rabiye xanimning xelqaradiki tesir küchi zeipleshti. Salametlik mesilisi, yéshining zoriyip qélishi "Qizziq nuqta" liq zamanining axirlishishi bilen dunya sehnisidiki ornigha asasen xatime bérildi. Uyghurlar arisidiki meshhurliqi melum derijide mewjud bolsimu, bu uning meggülük reislikige DESMI bolalmaydu.
Échinarliqi, DUQ künsiri ajizlishishqa bashlidi. DUQ ning bügünge kelgende emeliy Küchi bolmighan qorchaq teshkilatqa aylinip qélishida Rabiye xanimning biwaste mesuliyiti bar.
(Dawami Bar)
%e0%a6%9f%e0%a7%